ബാംഗ്ലൂരില് നിന്നും നാട്ടിലേക്ക് ബസ്സിലുള്ള യാത്ര ഇപ്പോള് ശീലം ആയി. കുടുക്കവും, ആടിയാടിയുള്ള പോക്കും, ബ്രേക്കിടുമ്പോള് മുന്നോട്ടു ആയുന്നതെല്ലാം തൊട്ടില് ആട്ടുന്നത് പോലെ രസകരം എന്ന് തോന്നുന്ന അത്രയ്ക്ക് ശീലം... എന്താ ചെയ്യാ, ട്രെയിനില് ടിക്കറ്റ് കിട്ടാന് ഒരു വഴിയും ഇല്ല. മാസത്തില് രണ്ടു തവണ പറക്കാന് ഉള്ള തുട്ടില്ല, അപ്പോള് ബസ് യാത്ര ആസ്വദിക്കാന് പഠിച്ചു. നിത്യത്തൊഴില് അഭ്യാസം എന്നാണല്ലോ.
